Davao City –Nigula sa gihimong parallel investigation sa Davao City Police Office nga walay foul play ang kamatayon ni SPO3 Rosebelt Angcon kinsa nadestino sa Toril PNP.
Atol sa pakighinabi sa RMN Davao kang DCPO Head Senior Supt Alexander Tagum nga aksidente ang nahitabong pagkabaril sa biktima sa iyang kaugalingon atol sa pagkahagbong sa iyang .45 nga baril.
“Nakita namo nga walay foul play pod, wala man siyay kalaban and very supportive man ang tropa sa iya so aksidente ra gyod ang nahitabo,” matud ni Tagum.
Gitin-aw ni Tagum nga wala usab nag-suicide ang biktima human nga wala usab mga timailhan nga aduna kiniy ginahambin nga problema.
“Wala man pod siyay rason nga mag-suicide wala man syay problema maayo man iyang pamilya, wala man pod makita ang iyang mga kauban diha sa iyang body language,” sumala niini.
Nakigtagbo usab si Tagum sa pamilya ni Angcon ug nitunol usab og suporta ang DCPO.
“I have already relayed my condolences to the family of the late SPO3 Angcon, in behalf of the DCPO, amoa ni siyang kauban ug magpadayon mi sa pagsuporta para sa mga claims aron makatabang sa ilang mga anak nga nabiyaan niini aron mapaabot gyod sa iyang pamilya,” sumala niini.
Sa interbyu usab sa DXDC Team sa kabanay sa biktima kasamtangan kining gipailawom sa awtopsiya.
RadyoMaN Aimee Guinita
