Davao City – Gipaigmat sa Davao City Police Office Women and Children’s Protection Desk (DCPO-WCPD) ang publiko batok sa mga dautang elemento sa social media.
Sa interbyu sa DXDC RMN Davao kang DCPO WCPD chief Police Major Elisa Ramirez, giawhag niini ang mga ginikanan nga bantayan ug i-monitor ang ilang mga anak ilabina nga sagad sa kabataan anaa na sa online ang mga aktibidad.
“Careful ta sa mga sites nga atoang ginasudlan kay wala ta kabalo dili na siya safe. Sa atoang mga parents or guardians from time to time i-monitor gyod nato ang atoang mga anak kay dili gyod nato mahibal-an nga naa na siyay gipangsudlan o naa na syay ka-chatmate or naka-communicate, ipasabot nato sa mga anak dili magsalig o mag-trust dayon,” segun ni Ramirez.
Andam motabang ang DCPO-WCPD sa gilusad nga Child Protection Policy Module sa lokal nga panggamhanan kontra sa pagpangabuso sa kabataan.
Abli ang ilang linya kanunay sa pagdawat og mga tawag kung adunay mga sexual abuses ug uban pang matang sa pagpangabuso.
RadyoMaN Aimee Guinita
