Davao City – Makasinati og pito ka oras nga walay supply sa tubig ang mga konsumante nga giserbisyuhan sa Tugbok Lubogan Water Supply Systems (WSS) karong adlawng Miyerkules, November 14, 2018.
Sumala sa Davao City Water District (DCWD) nga magsugod kini alas-9:00 sa buntag karong Miyerkules hangtud sa alas-4:00 sa hapon sa susamang adlaw.
Subay sa maong advisory, apektado niini ang Brgy. Mintal partikularminte ang San Francisco Street, Jasmine Street, Napolcom, ug Small Village. Apektado usab ang tibuok area sa Bago Oshiro ug dalan gikan sa junction sa UP Road padulong sa Bago Oshiro. Sa Bago Gallera, apektado ang Bago Gallera Settlers Assn. (BAGASA), Kopai Village, Sitio Saka, ug ang dalan gikan sa junction sa Libby Road padulong sa Sitio Saka.
Matud sa DCWD, gumikan kini sa tapping ug looping sa bag-ong na instalar nga pipeline ngadto sa existing pipelines alang sa mainline improvement sa Purok 1 Brgy. Bago Oshiro ngadto sa Purok 10, Jasmine Street sa Mintal.
Alang sa dugang mga pangutana, mamahimong mutawag lang sa Dcwd’s 24-hour hotline 297-3293 ug I- press “0” or tawag o text sa 0927-798-8966, 0908-441-0653, ug 0925-511-3293.
RadyoMaN Kirby Manzon
