Sa interview sa DXDC RMN Davao kang Jovana Duhaylungsod, spokesperson sa DCWD, iyahang gisaysay nga walay angay ikabalaka ang mga indibidwal nga kabahin sa maong sports event tungod kay bastante ang tubig hangtud nga mahuman ang aktibidad.
“Among gi-prioritize gyud karon ang pagsiguro nga adunay available suplay (sa tubig) nga magamit ang mga athletes, delegates and also the guests nga naa sa mga billeting quarter ug kanya-kanya nga mga sports venue,” sulti ni Jovana.
Matud ni Duhaylungsod nga ayha pa man nagsugod ang DAVRAA Meet, gi-check nang daan sa ilahang technical team ang water supply pressure ug sila naghimo og sampling ug testing sa tubig sa mga identified venues sa DAVRAA aron masigurado ang kalidad sa tubig ilabi na para sa mga atleta.
Dugang sa DCWD spokesperson nga ang pag-inom sa tap water makabang aron ma-reduce ang paggamit og mga plastic bottles nga makadaut sa kinaiyahan.
RadyoMaN Kirby Manzon
