DCWD: Doña Pilar, Sasa wala gihapoy tubig

47

Davao City – Usa nalang ka lugar sa Sasa areas ang giingong nakasinati pa gihapon og walay supply sa tubig.

Kini ang update karong adlawa, Nobyembre 13, 2019 ni Jovana Duhaylungsod, Deputy Spokesperson sa Davao City Water District kun DCWD bahin sa mga nakarecover na nga areas gikan sa water service interruptions human naapektuhan ang mga linya tungod sa linog.


“Last namo nga monitoring, ang only area nga naa mi nadawat nga concerns, ang Doña Pilar nalang gyud,” segun ni Duhaylungsod.

Matud sa tigpamaba nga kini ang ilang nadawat nga update gikan usab sa ilang monitoring gani og naa may madawat nga mulo gikan sa ubang areas nga hinay ang agas o walay tubig, ipasuta nila ang linya sa tubig.

Samtang pahinumdom usab sa DCWD ngadto sa mga nakasinati og paglubog sa tubig nga dili dayon kini gamiton gumikan matud pa nga ing-ana ang resulta og dunay himuon nga pag ayo sa linya sa tubig hinuon mabalik usab ang kalidad sa tubig human sa 1-2 ka oras.

RadyoMaN Renz Barbarona

Facebook Comments

From Advertisers