Davao City – Atol sa pagtungtong sa tuig 2020, bag-ong mga proyekto na usab maoy atimanon sa Davao City Water District (DCWD) silbing tubag sa demand sa mga konsumante alang sa dugang supply sa potable water kun tubig-mainum.
Sa interbyu kang Atty. Bernard Delima, spokesperson sa DCWD sa programang ‘Straight to the Point,’ gibutyag sa maong opisyal nga nagpadayon karon ang ilang Tamugan Bulk Water Project, gani lauman sa tanan nga kini mahuman sa second quarter sa tuig 2021.
Gipasabot ni Delima nga obligasyon sa DCWD nga ilisan ang mga karaan na kaayo nga mga pipelines denhe sa syudad sa Davao.
Gipaniguro sa DCWD nga hugot ang ilang koordinasyon sa Department of Public Works and Highways (DPWH) panahon nga magtaud sila og mga pipelines sanglit ang naulahi maoy maghatag sa permit.
Sa mulo sa mga water concessionaires sa ikaduhang distrito ning syudad kalabutan sa low water pressure, water discoloration ug foul odor, gibutyag sa tigpamaba sa DCWD nga trabahuon karong bulana ang water treatment facility alang sa limpyo nga tubig-mainom sa mga lumolupyo partikular sa Buhangin ug Indangan, ning syudad.
RadyoMaN Jason Amisola
