Davao City – Gipahinumduman karon ang mga konsumante sa tubig ug kuryente kinsa maapektuhan sa mga scheduled interruptions karong adlawa, Enero 17, 2019.
Sumala sa Davao Light and Power Company kun DLPC, magsugod karong alas 8 sa buntag ang walo ka oras nga way kuryente ug kutob pa kini alas 2 sa hapon diin apektado niini ang mga konsumante sa Bago Oshiro ning syudad ug mga kasikbit nga lugar niini.
Samtang ang Davao City Water District (DCWD) subling nagpahinumdom usab sa mga maapil sa pito ka oras nga walay supply sa tubig.
Matud sa DWCD, mawala ang agas sa tubig alas 8 sa buntag kutob alas 3 sa hapon diin maapektuhan niini ang mga konsumante sa nga giserbisyuhan sa Tugbok Water Supply System sama sa entero Brgy. Tugbok, pipila ka areas sa Brgy. Mintal, brgy. Sto Niño, Catalunan Grande, Catalunan Pequeño ug Bago Oshiro gumikan sa re-switching sa pasilidad sa linya sa tubig sa Bago Oshiro.
RadyoMaN Renz Barbarona
