Davao City – Nagpagula og pahimangno ang Davao City Water District (DCWD) sa scheduled water service interruptions nga matigayon karong June 10, 11, 13 ug 14, 2018.
Sa set A nga water service interruption karong June 10 (Sunday) ug June 11 (Monday) alas 12:01 kutob ala 1:45 sa kadlawun, maapektuhan niini ang mga areas nga giserbisyuhan sa Dumoy Water Supply System (WSS) diha sa entero Matina Crossing, Matina, Matina Aplaya, Ecoland, Maa, Langub, Bucana, Downtown, Bo. Obrero, Cabaguio Avenue, Agdao, Madapo, Marfori, San Rafael, Circumferential Road, Bacaca, J.P. Laurel Ave., Buhangin, Tigatto, Mandug, Lanang, Angliongto/ Mamay Road, Bo. Pampanga, ug Sasa hangtod sa Km. 12.
Dugang maapektuhan ang pipila ka areas sa Bangkal nga mao ang San Juan Subd., San Roque Village, Muslim Village, NHA, Kadayawan Homes, Santos Marketing Subd., Flores Village, SM Village, Ortega Village, Royal Valley Subd., and Central Park Subd lakip ang Panacan areas: ICSAMA, Crystal Meadows, Tierra Verde Village, EMI Ville Homes, Empress Subd., Tierra Niño Village, Landmark III, San Juan Village, ug Vista Verde I and II ug Cabantian areas: Holy Trinity Subd., Countryville Executive Homes, Dela Peña Subd., BACAHOA Subd., Victors Executive Homes, Emilia Homes.
Sumala sa DCWD, maapektuhan ang DCWD’s Talomo Booster Station ug pipila ka mga production wells ubos sa Dumoy WSS sa power interruptions sa Davao Light and Power Company aron mapahisayon ang corrective maintenance servicing sa Dumoy Substation.
Samtang sa set B, pito ka oras nga walay supply sa tubig ang entero Castro Village sa Brgy. Bago Aplaya karong June 13 (Wednesday) nga magsugod alas 9 sa buntag kutob alas 4 sa hapon diin matud sa DCWD tungod kini sa giingong tapping works sa mainline improvement sa Tongson Village HOA Inc. nga nahimutang sa Brgy. Bago Aplaya.
Dugang niini, pito usab ka oras nga maapektuhan sa water service interruption ang entero Tierra Nueva sa Brgy. Tacunan ning syudad sa set C karong June 14 (Thursday) magsugod alas 9 sa buntag kutob alas 4 sa hapon tungod gihapon sa tapping works sa mainline extension sa nasangpit nga area.
Apan sumala sa DCWD nga mamahimong mabalik gilayon ang supply sa tubig og walay mutumaw nga problema atol sa pagtrabaho.
Mamahimong mutawag sa DCWD’s 24-hour hotline nga 297-3293 ug i-press ang “0” o magtext o tawag sa 0927-798-8966, 0908-441-0653 ug 0925-511-3293 alang sa uban pang mga pangutana.
RadyoMaN Renz Barbarona
