Davao City – Gilauman nga mubalik sa normal ang supply sa tubig sa pipila ka mga areas sa Davao City nga naapektuhan sa pagkaguba sa mainline tungod sa sunod-sunod nga linog sa Mindanao.
Kini ang giingon ni Jovana Duhaylungsod, Deputy Spokesperson sa Davao City Water District kun DCWD atol sa interview sa DXDC RMN Davao.
“Base sa recovery sa operation, nagasaka ang water level ug kung wala nay laing kakulian ani, ang atoang estimate ani nga mag normalize ang water supply, hopefully unyang kadlawun sa alas 2,” segun ni Duhaylungsod.
Sumala ni Duhaylungsod nga base sa ilang monitoring, naa na lang sa Doña Pilar, Davao impress ug mga kasiktbit nga lugar sa Sasa areas ang wala pa ka-recover ang tubig.
Kahinumduman nga niadtong adlawng Biyernes nagsugod ang pagkawala sa supply sa tubig sa nasangpit nga area gumikan naigo ug naguba ang mainline ug apektado ang line 2 kun ang Dumoy Water Supply System.
Hinuon nangayo ug dispensa ang DCWD ngadto sa mga apektadong residente ug padayong gipasabot nga kinahanglan himuon ang repair sa mainline aron masuta usab ang mga leaking sa linya sa tubig.
RadyoMaN Renz Barbarona
