Davao City – Gipasidunggan ang probinsyal nga panggamhanan sa Davao de Oro ilawom kang Governor Raul Mabanglo sa WE STRIVE: ECLIP National Summit sa Manila, tungod sa padayong paningkamot sa probinsya sa pagtabang sa mga friends rescued.
Nakadawat ang probinsya og ₱5 milyon gikan sa Department of the Interior and Local Government (DILG) alang sa Enhanced Comprehensive Local Integration Program (ECLIP). Ang maong pondo gamiton, matud pa, sa pagtukod og Halfway House sa Brgy. Libasan, Nabunturan, nga magsilbing temporaryong puluy-anan sa mga former rebels samtang nagpadayon ang ilang reintegration.
Gipasabot sa probinsya nga kini usa ka importanteng lakang aron hatagan sila og klaro ug lig-on nga dalan alang sa pagsugod sa bag-ong kinabuhi.
Gipasalig usab ni Gov. Mabanglo ang padayong suporta sa gobyerno ug ang paggiya sa mga kanhing rebelde aron mahimong empowered ug produktibo nga mga miyembro sa komunidad.
RadyoMaN Kareen Beltran
Facebook Comments
