Davao City – Gidala sa buhatan sa kapolisan sa Sta. Ana PNP ang usa ka lalaki sa dihang nag wild ug gipang-harass ang iyang mga silingan.
Respondent naila nga si Jepoy Diapordo, 36 anyos, usa ka construction worker ug residente sa Brgy. 21-C Piapi Blvd.
Sumala sa record sa Sta. Ana PNP nga ala 1:00 sa kadlawon sa milabayng adlaw nagwild ang maong respondent tungod sa kahubog diin nakahatag og eskandalo sa lugar.
Gibadlong kini sa iyang mga silingan apan wala kini mipato-o ug nagpaila hinoon nga usa siya ka miyembro sa gikatahapang Davao Death Squad (DDS) kansang nangbahad nga ipapatay ang silingang law enfocer nga misita kaniya.
Gumikan nisamot og pagpanghasi si Jepoy, nanawag gilayon og assistance sa kapolisan ang mga concerned citizen diin kini gisikop ug kasamtangang ginahikay ang kaso nga ipasaka batok kaniya.
RadyoMaN Paul Canono
