De Colores

Ya queda de colores el ciudad particular el calsada desde na Jaldon Street hasta para na Paseo del Mar pormedio del maga participantes del Street Dance Competition como parte del celebracion del Fiesta Pilar, enantes aga.
El maga participantes ya sale desde cuantos maga escuela na elementary, secondarya y desde na Lamitan, Basilan y Slaug, Zamboanga del Norte.
Ya queda tambien floriao de gente ambos lao del calsada quien ya sale entretenido con el bayle na calsada.
Ya llama el atencion del soberanos el presentacion desde Lamitan y Salug.
Positibo el reaccion del pueblo soberanos porcausa del de colores uniporme del maga participantes.
Apretao tambien el seguridad ya implementa elmaga otoridad na pueblo durante el actividad donde ya curta el signal del cell phone para ibita el mal plano del maga terorista.

Facebook Comments