De Veyra: Waray ha intensyon namon nga maghimo hin samok

200

TACLOBAN CITY – Pwersahan nga sumakob ha planta han Leyte Metropolitan Water District kakulop nga nahihimutang ha brgy. Tingib Pastrana Leyte an mga gin-appoint han Leyte Province kumo Board of Directors, ini in sumala kan LMWD Information Officer Ma. Teresa Pascua.

An planta han LMWD ha Pastrana Leyte in ansya an main supply han tubig han syudad han Tacloban kun diin didto nakuha hin 80% water supply.


Sumala kan Pascua diri na ini maupay.

Dayon naman nga ginkuha han RMN an side han Chairman of the Board of Directors para ha LMWD nga gin-appoint han Leyte Province. Sumala kan Teodoro de Veyra, waray hira maghimo hin samok ngan waray daw nira labti an planta han LMWD.

“Diri, waray ito ha intensyon naton, infact iton planta padayon iton operation ngadi, waray kami hito maglabot. Adi la kami hiton may gate.”

Ini daw in sugo han Civil Service Commission ngadto han mga empleyado han LMWD nga nanlimbag ha Leyte Province. Para daw diri ma-awol an mga empleyado kinahanglan nga mag-opisina o magtrabaho hira mismo ha opisina o operations office han LMWD.



Waray daw liwat hira intensyon nga parungon an planta para diri makag-supply hin tubig ha Tacloban.


Ha pagka yana, ginbabantayan han mga kapulisan han Police Regional Office 8 ito didto nga lugar para mamintinar an peace and order ha Pastrana Leyte.

Facebook Comments