Roxas City, Capiz – Patay ang isa ka 18-anyos nga soltero matapos gina-alegar nag-suicide sa Alba Village Brgy Dinginan sining syudad.
Ang biktima ang ginkilala kay alyas “Rolly” kun sa diin nakit-an na lamang sang iya pamilya ang bangkay sini nga nagabitay sa payag nga nagaserbe garahe sang ila motorsiklo.
Ginapatihan nga ang ginabatyag nga kalain sang buot amo ang isa sa mga rason nga nagtulod sa biktima nga magkomiter sang suicide.
Base sa inisyal nga imbestigasyon sang Roxas City PNP, nagluntad ang away sa tunga sang biktima kag manghod sini.
Wala nila matalupangdan nga nagguha ang biktima kag ulihi na nadiskubrehan sang pamilya ang nagabitay nga lawas sini.
Gintinguhaan pa nga ini ang dal-on sa Capiz Doctors Hospital apang gindeklarar sang doktor nga dead-on-arrival.
