Pontevedra, Capiz- Patay ang isa ka mister matapos nga ginluthang pasado alas sais sang gab-e samtang ini ang nagalantaw sang telebisyon sa sulod sang ila poluy-an sa Brgy Sublangon Pontevedra, Capiz.
Ginkilala ang biktima kay Agaton Cantos y dela Peña, 57-anyos ang pang-edaron nga nag-angkon snag patal nga pilas sa iya likod.
Gindangat pa sa Bailan District Hospital ang biktima apang ini ang gindeklarar nga dead-on-arrival sang doktor.
Suno sa imbestigasyon sang Pontevedra PNP, nagalantaw sang telebisyon sa sala nga porsyon sang ila poluy-an ang biktima sang nakabati sang duha ka mga lupok sang armasluithang ang live-in partner sini nga si Manilyn Delfin y Dano nga yara sa kusina samtang nagadigamo sang ila panyapunon.
Nagpangayo sang bulig sang biktima nga ini ang naluthangan kag sang ginpadulongan, nakit-an sang asawa ang duguon nga biktima nga may igo sang armas sa iya likod.
Ini pa sa subong matumod sang mga kapulisan kun sin-o ang suspek kag kun anu ang motibo sang krimen.
