Sapian, Capiz – Patay ang 53-anyos nga lalaki matapos nabunggu-an sang Hi-ace van samtang nagatabok sa dalan sa Brgy. Majanlud Sapian alas dose sang udto kahapon.
Ginkilala ang biktima kay Sergel Jayno y Mendoza nga nag-angkon sang mga patal nga kapilasan sa lawas tuga sang mabaskog nga impact sang pagkabunggo sang salakyan nga ginamaneho ni Rolly Degracia y Laurente sang Brgy Lawaan, Roxas City.
Gintinguhaan pa nga dal-on sa Mambusao District Hospital ang biktima apang ini ang gindeklarar nga dead on arrival.
Nahibaluan nga halin sa Roxas City si Degracia kag buot kuntani nga magpadulong sa Kalibo, Aklan apang pag-abot sa Brgy. Majanlud gulpi lamang nga nagtabok ang biktima nga nangin rason sang aksidente. Sa subong yara na nakahunong sa lock-up cell sang Sapian PNP ang amo nga driver.
(Photo from web)
