Dao, Capiz- Patay ang isa ka persona matapos ginlabo sa Sitio Feder Road Brgy. Balucuan, Dao alas 10 sang gab-e.
Ginkilala ang biktima kag Andrew delos Santos y Nicolas, 28-anyos nga nag-angkon sang mga patal nga pilas sa iya ulo kag iban nga parte sang lawas.
Nagguha sa inisyal nga imbestigasyon sang kapulisan nga upod nga naga-inom ang biktima kag suspek nga si Regan Abayon y Escalada, 27-anyos sang Sitio Mangka Brgy. Balucuan, Dao sa tindahan sang nagluntad ang komosyon sa tunga nila.
Base sa imbestigasyon sang Dao PNP, nagkuha sang sanduko ang suspek kag gilayon sini nga ginhandos sang buno ang biktima./
Nakapalagyo pa si Andrew delos Santos apang ini ang ginlagas sang suspek kag ginlabo sa iya ulo kag iban nga parte sang lawas.
Gindala pa ini sa Dao District Hospital apang gindeklarar nga dead on arrival sang doktor.
Sa subong nagapadayon pa ang hot pursuit operation sang mga kapulisan agud nga madakpan ang suspek nga madasig nga nagpalagyo sang makomiter ang krimen.
*(web photo)*
