Biñan City – Patay on the spot ang isang hinihinalang drug pusher matapos na manlaban sa mga pulis nang magsagawa ng buy bust operation sa Mercado Street Barangay Platero, Biñan City Laguna.
Nakilala ang suspek na si Jerwin Bartolazo, at isang kasamahan nito na hindi pa nakikilala .
Batay sa ulat ng Biñan City Police Station nagsagawa ng buy bust operation kagabing alas 9:30 sa Barangay Platero Biñan City nang makatunog ang mga suspek sa presensiya ng mga pulis na nagresulta ng engkwentro na ikinamatay ng dalawang suspek sa pinangyarihan ng engkwentro.
Narekober sa pinangyarihan ng engkwentro sa Barangay Platero Biñan City ang 2 short firearms at 1 toy gun.
Napag-alaman pa na ang suspek ay mayroon ng nakaraang kaso na double murder 2 counts at kilalang drug pusher sa kanilang lugar.
