Mayroon na lamang ang Bureau of Customs (BOC) hanggang May 15 para ibalik sa Canada ang mga itinambak nitong basura sa Pilipinas.
Ayon kay Customs Spokesperson Erastus Sandino Austria – nakatanggap sila ng utos mula kay Finance Secretary Carlos Dominguez III na ipadala pabalik sa Canada ang mga basura nito.
Idinagdag pa ni Austria – nasa proseso na sila ng pagsasagawa ng arrangements para sa mga container ng basura, na naglalaman ng household trash, diaper, electronic waste at non-recyclable waste.
Matatandaang nagbanta si Pangulong Rodrigo Duterte na magdedeklara ng giyera sa Canada kapag hindi nito babawiin ang mga basura nito sa bansa.
Facebook Comments
