Pagadian City – Subli nga nagpahinumdum ang Commission on Elections (COMELEC-Pagadian) sa mga bag-ong botante nga hangtud lamang Setyembre 29, modawat ang ilang opisina sa magparehistro aron makabotar karung 2019 elections.
Gibutyag ni City Comelec Officer Atty. Jed Labador, nga angay likayan sa mga botante ang pagparehistro sa ulahing adlaw na sa registration kay aminado ang comelec nga mas nagkadagan ang nagparehistro niining nagsingabot na ang deadline.
Walay nakitang rason ang Comelec nga lugwayan ang adlaw ug oras aron maka-apas ang ubang mga botante kay hagbay rang nagsugod ang voters registration niadtong Hulyo 2.
Kagahapon ang city comelec naglusad og satellite registrations sa City Commercial Center kun C3 nga gisugdan alas 8:00 sa buntag hangtud alas 5;00 sa hapon diin dul-an 300 ka indiboidwal ang nakaparehistro.
