Davao City – Magsilbi gayud nga ‘stern warning’ ngadto sa mga dautang elemento ang gikasugyot nga reimposition sa capital punishment o death penalty nga gidasonan sa unom na ka mga senador.
Matud sa social advocate Roen Caesar Cardinal, mamahimong makunhuran o mapugngan ang mga krimen sama sa rape, droga ug korapsyon kung adunay silot-kamatayon sa atong libro sa mga balaud.
Uyon si Cardinal ng ibalik ang death penalty aron mahatagan og seryosong aksyon ang mga grabeng kasal-anang nga gikahadlok og maayo sa katawhan.
Gitataw sa social advocate nga mamahimo lamang kining epektibo kung lig-on ang legal system sa Pilipinas inubanan sa liderato sa mga naa sa pamunuan kinsa may igong kaligdong ug katakos nga mopa-implementar niini.
RadyoMaN Aimee Guinita
