Davao City – Ang DEATH PENALTY usa ka silot sa kamatayon sa mga indibidwal nga nakahimo og bug-at nga krimen. Kini ginahimo aron masigurong dili na masubli pa ang usa ka krimen.
Gani sa kasaysayan sa Pilipinas sa tuig 1961 kapin 50 ka indibidwal ang gipailawom sa death penalty pinaagi sa electric shock. Ug misaka pa ang ihap ilawom sa administrasyon ni kanhi presidente Ferdinand Marcos.
Diin mismong si Marcos nasentensyahan sa kamatayon sa tuig 1939 tungod sa pagpapatay kang Julio Nalundasan, kalaban sa pulitika sa iyang amahan nga si Mariano.
Apan nahimong gawasnon si Marcos human kini nahukmang dili guilty sa maong kasal-anan. Ilawom sa pang gobyerno ni Marcos, ginasilotan usab sa kamatayon pinaagi sa firing squad ang drug trafficking sama sa kaso ni Lim Seng niadtong Enero 15, 1973 nga nabalita pa sa national television.
Tuig 1976 sa dihang gihulipan ang sistema sa firing squad sa ginatawag nga electric chair isip pamaagi sa death penalty. Nasayran nga ilawom sa 20 ka tuig nga pagdumala ni Marcos sa Pilipinas, dili na maihap nga mga indibidwal ang gipailawom sa death penalty tungod sa pagsupak sa iyang pagpadagan sa gobyerno.
Samtang sa kasamtangan administrasyon, posible kahang mahibalik na ang death penalty labi na nga daghang mga senador nga posibleng makasulod atol 2019 midterm election, uyon ug andam nga musuporta kang Presidente Rodrigo Duterte alang sa maong balaod.
RadyoMaN Kirby Manzon
