Davao City – Panahon na matud pa nga ibalik ang silot kamatayon kun death penalty dinhi sa nasud.
Atol sa 19th City Council Media briefing gisulti ni Majority Floor Leader Councilor
J. Melchor Quitain Jr. nga existing usab kini sa konstitusyon sa Pilipinas nga pahamtangan og capital punishment ang mga makumbikto sa mga heinous crimes.
Nagtoo si Quitain nga aduna na gayod maayong justice system ang nasud sulod sa tulo ka tuig sa presenteng administrasyon.
Segun ni Quitain nga angay nga mas daghan pang mga judges nga ma-appoint sa nasud nga mututok niining mga kaso.
Matud sa konsehal nga siya nagtoo nga mapugngan nga matigayon ang mga heinous crimes sa Pilipinas.
Pabor usab sa Revival sa Death Penalty si Councilor Danilo Dayanghirang ug angay nga pahamtangan og silot kamatayon ang makumbikto sa plunder.
Angay usab matud ni Dayanghirang iimprobar ang Public Attorneys Office ug pakusgan ang judicial system sa Pilipinas.
RadyoMaN Aimee Guinita
