Defense Secretary Lorenzana, gitawag og utok pulbura sa usa ka obispo

Pagadian City – Naglaom ang simbahang Iglesia Filipina Independiente nga naka base sa syudad sa Pagadian nga seryoso na ang gobyerno sa subling paghisgut sa kanlinaw tali sa Communist Party of the Philippines- New People’s Army-National Democratic Front (CPP-NPA-NDF).
Sumala ni IFI Bishop Antonio Ablon nalipay sila sa ulahing pamahayag sa pamuno nasod nga ablihan pagbalik ang peace talks kay usa kini dugay na nilang panawagan.
Apan gisaway ni Ablon ang gisulti ni Defense Secretary Delfin Lorenzana nga dili siya mosuporta sa peace talks nga plano sa president kay daghan matud pa og demand ang CPP-NPA-NDF ug dili nila kontrolado ang ilang sakop.
Gumikan sa maong baruganan gitawag sa Obispo si Lorenzana nga Utak Pulbura.
Nasayran usab sa RMN Pagadian nga nikambyo na si Lorenzana og pabor na kini pagbalik sa peace talks.

Facebook Comments