Angadanan, Isabela- Arestado ang isang lalaki dahil sa pagbebenta ng iligal na droga sa isinagawang drug buy-bust operation sa Brgy. Centro 3, Angadanan, Isabela bandang 3:50 kaninang umaga, May 26, 2019.
Kinilala ang suspek na si Bobby Quino, 30 anyos, walang asawa at residente ng Quezon City sa Metro Manila.
Batay sa imbestigasyon ng Angadanan Police Station sa pangunguna ni P/Capt. Francis Pattad, nagpanggap ang isang pulis na poseur buyer kapalit ng 1,000.00 na nagresulta naman sa pagkakahuli sa suspek.
Nakuha sa pag iingat ng suspek ang limang pakete ng hinihinalang shabu.
Sa ngayon ay nasa kustodiya na ng kapulisan ang suspek at nahaharap sa kasong paglabag sa RA 9165 o Comprehensive Dangerous Drugs Act.
Facebook Comments
