Davao City – Karong adlawa (July 21, 2020), ipasaka na ang kaso ngadto sa korte batok sa sundalong mipusil-patay sa delivery boy sa Westeria St., Phase 3, Deca Homes Esperanza, Brgy. Tigatto, Buhangin District, Davao City.
Sa report sa Buhangin PNP, ang sundalo mao si Staff Sergeant Demegilio Lambayon, 44 anyos, na-asign sa 1003rd Brigade Phil. Army ug nagpuyo sa nasangpit nga Barangay samtang ang biktima nailang Ronel Mabandos, 37 anyos, taga Manay Davao Oriental ug kasamtangan nagpuyo sa Lot 13, Phase 3, Mugworth St., Deca Homes Esperanza, Brgy. Tigatto, ning syudad.
Sumala ni Police Major Estrello Ramiso Station Commander sa Buhangin Police Station nga ‘bully’ ang hinungdan sa pagpusil sa biktima.
Matud ni Ramiso, migawas sa imbestigasyon nga gi-bully sa biktima ang anak sa sundalo hinungdan gipusil ang biktima gamit ang Glock 17 caliber igo sa tuong ilok ug agtang resulta sa hinanaling kamatayon sa biktima.
Si Lambayon detinado na sa Buhangin Police Station.
RadyoMaN Don Pulayao
