Delivery Van sa usa ka dakong mall sa Gensan gisunog sa Malapatan, Sarangani Province

Sarangani Province—gisunog sa mga armadong kalalakin-an ang delivery Van sa Kcc mall of Gensan sa highway nga bahin sakop sa Barangay Tuyan, Malapatan, Sarangani Province.

Sumala sa usa ka residenti sa lugar nga nakakita sa insidenti nga mukabat sa 5 ka mga armadong lalaki ang kalit miabot sa lugar ganinang buntag. Ilang giduol ang nakaparking nga delivery van dayon gipapanaog ang mga sakay niini.

Buot pang palargahon sa mga suspek ang sakyanan palayo sa lugar apan wala misugot ang driver inay midagan ang mga nahisgutan aron mutago.


Didto na gibubuan ug gasolina sa usa sa mga suspek ang sakyanan dayon gisunog dayon misibat ang mga nasangpit sa nabukid nga bahin sa lugar. Gilayon man nga nangayog tabang ang 6 ka mga pahinante sa 10 wheeler truck van human sa insidenti.

Sumala ni Barangay Tuyan kapitan Mohammad Amir Harid nga dako ang iyang pag tuo nga miyembro sa NPA ang responsabli sa pagpangsunog. Sa karon padayon pang nag imbistiga ang kapulisan sa Malapatan kalabutan sa insidenti.

Facebook Comments