Davao City – Andam na ang modular hospital o mga designated isolation rooms sa Southern Philippines Medical Center (SPMC) alang sa mga pasyenteng magpositibo sa COVID-19 delta variant.
Sa interbyu sa DXDC RMN Davao kang Dr. Ricardo Audan SPMC chief, dinhi ibutang ang mga moderate COVID-19 patients kinsa nagpositibo sa Delta variant. Matud ni Audan, ang modular hospital container vans gitagana kini alang sa maong mga pasyente.
Segun ni Audan, pareho gihapon ang ilang pamaagi sa pagtambal sa mga COVID-19 patients ug kadtong mga na-detect nga positibo sa Variants of Concern.
“It’s still a COVID-19, nag-mutate lang siya it’s the same management pero kusog lang gyod siya mu-transmit compared to the Alpha, Beta variants. In case mag-severe siya ibutang namo siya sa ICU,” sumala niini.
Hugot gipahimangnuan ni Audan ang tanang frontline healthworkers nga mag-asikaso sa mga COVID-19 patients ilabina nga mga delta case nga musuot og level 4 nga Personal Protective Equipment (PPE).
Gibutyag ni Audan, ang Delta variant kung itandi sa ubang variants mas paspas kining motakud sa walo hangtod sa napulo ka mga tawo.
Padayong panawagan ni Audan sa publiko nga tumanon ang Minimum Public Health Standard (MPHS) ug magpabakuna silbing dugang proteksyon sa COVID-19.
RadyoMaN Aimee Guinita
