Demand sa kamote sa Bankerohan misaka human sa pagtaas sa presyo sa bugas

Davao City – Nitaas ang demand sa kamote sa mga mamalitay karong bulan sa Sityembre 2023 sa Bankerohan Public Market Davao City human nga mitaas ang presyo sa bugas.

Sa interview sa DXDC RMN Davao kang Jenelyn Caño, vendor sa maong merkado gisulti niini nga karong bulana walay pagsaka sa presyo sa kamote ug kamoteng kahoy sa Bankerohan.

Segun ni Caño, human nga nimahal ang presyo sa bugas nidaghan sab ang mga mamalitay og lagutmon karong bulana.

Nahinabi usab sa DXDC News Team si Josephine Mondejar, vendor, ug matod niini adunay igong supply sa kamote gikan sa Brgy.Marilog District, Brgy.Suawan ug Brgy.Poblacion, Calinan ning dakbayan.

Update sa presyo sa mga lagutmon karong adlawa September 20,2023.

📌Kamote 35 per kilo
📌 Saging Saba 45 per kilo
📌Balanghoy 20 per kilo
📌Karlang 20 per kilo
📌Gabi 50 per kilo

RadyoMaN Don Pulayao