ILOILO CITY – Magapadayun ang deomolition sang mga structures sa Muelle Loney apisar nga may nagpasaka sang reklamo sa korte.
Suno kay Task Force ASIS Head Engr. Roberto Dumanil tubtob na lamang sa Setyembre 13 ang ginahatag nga deadline sa mga occupants sang lugar nga mag voluntary demolish sang ila structures.
Pahayag ni Dumanil, nasandig sa kasuguan ang ila ginpatuman nga demolition bangud nakapatuman sila sang konsultasyon kag ginhatagan sang husto nga plaso ang mga residente.
28 ka mga structures ang apektado sang demolition kag ginahatagan na ang apektado nga pamilya sang ila lote sa Lanit Jaro agud patindugan sang ila puluy-an.
Ang duta anay ginapanag-iyahan sang Panay railways apang ginbakal sang syudad agud patindugan sang freedom grandstand kag duha ka panalgan nga multipurpose building.
