Davao City – Gipahinumduman sa Davao City Health Office ang mga Davaoweños nga gawas nga magmabinantayon batok COVID-19, gikinahanglan usab mahimong alerto batok sa dengue.
Sa pakighinabi sa DXDC RMN Davao kang Mel Babante, Pest Control Worker II sa CHO, gibutyag niini nga daghang kaso sa dengue ang natala karong bulana ilabi na sa gikunsiderang hotspots area sa dengue nga Calinan Proper, Talomo River sa Calinan, Barangay Lizada ug Binugao sa Toril, ug Barangay Bago Aplaya sa Talomo South.
“Ang mga tao na-busy,focus na ang mind sa COVID so among gipahingusgan ang kampanya batok sa dengue pinaagi sa recorida… aron mapahinumduman ang tao nga ang dengue makamatay ug dapat hatagan og prevention ug focus,” segun ni Babante.
Samtang sa datos sa January-July 2020, anaa sa 640 ang kaso sa dengue sa syudad diin manageable matud pa kini itandi sa miaging tuig apan gikasubo niini ang kasong natala sa Calinan niadtong miaging semana nga gikamatay sa usaka magsoon
RadyoMaN Renz Barbarona
