SYUDAD sang Iloilo – 26 na ka tawo ang nagkalamatay bangud sang dengue fever sa rehiyon 6 base sa ika 11 nga morbidity week santo sa monitoring sang Department of Health.
May pinakamataas nga numero sang nagkalamatay ang Negros nga may 14; may tag tatlo ang Aklan, Iloilo, Iloilo City kag Capiz; kag Bacolod city may isa.
Suno kay Dr. Jesse Glen Alonsabe, Regional Epidemiologist sang DOH base sa January to March 16 period nagsaka sa 4,347 ang dengue cases ukon 142% kun ipaanggid sa 1,794 cases nga may 11 ka patay sa amo man nga period sang nagligad nga tuig.
May pinakamataas nga increase ang Guimaras nga may 738 % ukon gikan sa walo ka kaso nagsaka sa 67 ka kaso apang wala naman sang napatay.
Nagasunod diri ang Negros Occidental nga may 98% nga increase ukon 1450 ka kaso gikan sa 733 ka kaso kag may 14 ka napatay.
Samtang may pagnubo naman sang dengue cases sa Antique sang 21% matapos nagpanaog sa 96 ka kaso gikan sa 121 ka kaso sa amo man nga period sang nagligad nga tuig.
Paathag ni Alonsabe nga bisan summer nagasaka ang kaso sang dengue bangud sang indi husto nga pag-stock sang tubig nga amo ang ginamuaran sang lamok .//via Joel Franco reports
Photo from web
