SYUDAD sang Iloilo – Tatlo na ang napatay bangud sa sakit nga dengue sa syudad sang Iloilo.
Base sa data sang City Health Office sa January to February period may 250 ka na ka dengue cases sa syudad kalakip na ang tatlo ka patay.
Ini nga numero 495% nga mataas sa 42 lang ka dengue cases sa amo man nga period sang nagligad nga tuig.
Suno kay City Health Officer Dr. Bernard Caspe, may 3-year cycle ang dengue kun sa diin nagataas ang kaso sini.
2016 sang nagtaas ang dengue cases sa syudad kag sang 2017 nagnubo ang case bangud sa normal nga sitwasyon may anom ka tuig nga immunity sa dengue ang pasyente.
Nagtaas ini sang 2018 tubtob nga nalambot ang cycle subong nga 2019.
Paathag ni Caspe indi lang tig-ulolan ang pagdata sang dengue bangud bisan subong nga mainit ang klima mataas sa gihapon ang numero.
Ini bangud suno kay Caspe naga stock sang tubig ang mga residente kag diri nagamuad ang lamok nga nagadala sang dengue virus.
Panawagan ni Caspe ugalion na ang pagpaninlo sa palibot agud magguba ang ginamuaran sang lamok.// via Joel Franco reports
Photo from web
