Dengue outbreak gindeklara sa probinsya it Aklan

28

Kalibo, Aklan – Gindeklara ni Aklan Governor Florencio T. Miraflores rong outbreak it dengue sa probinsya it Aklan bangud man sa pagtinaas it kaso ko mga nagamasakit.
Sa ginpatigayon nga meeting kaina it mga miyembro kung Provincial Dengue Task Forece ginkasugtanan ag gin rekomendar nanda kay Gov. Miraflores ro pagdeklara it outbreak.
Kadungan sa nasambit nga pagdeklara it outbreak hay rong pagkasugot man nga magapatigayon it simultaneous clean up drive ro 17 ka mga banwa sa Aklan pinaagi sa tagsa-tagsa ka mga LGUs kada adlaw nga Biyernes alas 3:00 hasta alas 5:00 it hapon ag adlaw nga Sabado alas 7:00 hasta 9:00 it agahon.
Samtang sa pihak nga parte, ginpahayag man kaina ni DR. Cornelio “Bong” Chuachon Jr., Provincial Health Officer 1 it PHO-Aklan Aklan basi sa andang rekord umpisa Enero 1 hasta Hulyo 6 hay may una eon nga 2, 171 ka kaso ro andang narekord sa Aklan kung sa siin mataas raya it 156% kumpara ko naglaiwan nga dag-on sa kaparehong period nga may una eamang nga 824 kung sa siin 15 eon ro namatay.
Sa gihapon nagapanguna rong banwa it Kalibo sa lima ka mga banwa nga may pinakamaabo nga narekord nga nag-abot sa 532 ginasundan it Balete 213, Banga 196, New Washington 190 ag banwa it Numancia nga may 166 nga kaso.
May tatlo man ka barangay sa banwa it Kalibo nga ginakabig “hot spot area” suno kay Cuachon ag raya hay ro barangay Brgy. Poblacion, Tigayon ag Andagao.
Ginahueat eon lang rong Executive Order ni Gov. Miraflores para sa pormal nga deklarasyon.

Facebook Comments

From Advertisers