Davao City – Gipanawagan karon sa usa ka koalisyon sa mga public health advocates nga karon na ang hustong panahon nga ipagawas sa mga ginikanan ug uban pang interesadong sector ang ilang kabalaka mahitungod sa Dengvaxia anomaly.
Gibutyag ni Coalition for People’s Right to Health (CPRH) co-convenor Dr. Eleonor Jara sa interbyu kaniya sa tulumanong ‘Straight to the Point’ nga gikinahanglan magpahigayon og halawom nga imbestigasyon ang gobyerno aron masuta kung kinsa ba ang angay manubag niini.
“Itong isang bagay na gustong matulongan ang ating mga kabataan ay biglang naging fiasco, parang naging mas magulo at mas maraming epekto na kelangan i-monitor, pagkatapos nasa pagkalaki-laking halaga na hindi pa pala ganun napag-aaralan,” pagpasabot ni Jara.
Gipanghinaut sa coalition officer nga angay gayud maresolba ang isyung gikalambigitan sa P3.5B Dengavaxia purchase gumikan sa alegasyong ‘criminal neglect’ sa mga tagtungod ingon man ang suspetso nga adunay posibleng nagbinuang sa maong kritikal nga priority health campaign sa estado.
RadyoMaN Jason Amisola
