DENR giilogang trababaho, mga NPA nag check point mau’y nanakop ug mga Lawaan

Surigao Sur (photo courtesy of Judith Suarez)-Dili moubos sa lima ka mga sakop sa Gerilla Front Committee 30 sa rebelding New Peoples’ Army (NPA) ang nagpahigayun ug road block kagahapon sa hapon didto sa brgy. Maticdum, Tandag city, Surigao del Sur.
Sa report gikan sa Surigao del Sur Police Provincial Office, pinaagi ni PCI Ramil Tersona ang hepe sa Police Community Relation (PCR) sa PNP, gi-harang sa NPA ang mga habal-habal nga motorsiklo ug gikompiska ang wala matinung nga board feet sa illegal nga pinutol nga mga kahoy.
Walay report ang kapulisan kung asa gidala ang mga nakompiska nga mga kahoy.
Si PCI Ramil Tersona, hepe sa PCR sa Surigao del Sur PPO sa interview sa RMN DXBC Butuan.
Sa kabahin sa NPA, gipahayag ni Ka Sandra, spokesman sa Guerilla Front Committee 30 nga miabot sa 8 ka oras silang nag-checkpoint sa lugar ug walay nakaresponding mga sakop sa military.
Mikabat usa sa ka kapin 1,000 board feet sa mga kahoy’ng lawaan ang nakompiska sa walhung grupo ug nasayran nga bandang alas 9 ang takna sa gabie gikuha sa taga DENR ang nakompiska nga mga kahoy.
Samtang giisip ni Col. Franco Nemesio Gacal, commander sa 402nd Brigade Phil. Army nga drama ug propaganda lamang ang gihimung pagkompiska sa NPA tungod kay numero unong protector sa illegal logging sumala pa ang mga NPA.

Facebook Comments