Magapatuman sang bag-o nga access kag transportation systems ang Department of Environment and Natural Resources (DENR) sa nagahilapit nga reopening sang isla sang Boracay.
Ginpahayag ni Environment Secretary Roy Cimatu nga magagamit na sang ‘digital access card’ ang sin-o man nga magpadulong sa Boracay.
Buot silingon, digital na ang sistema agud makasulod kag makagwa sa isla ang mga residente, mga trabahador kag turista.
Dugang pa ni Cimatu nga electric vehicle na ang gamiton sa isla para sa hop on kag hop off transportation sa main road.
Nasambit man ni Cimatu nga i-angot na sa ‘modular waste water treatment’ ang residential areas sa Boracay island nga indi konektado sa common sewerage line.
Pinaagi sini, masigurado nga indi na mangin ‘unaccounted’ ukon mapabay-an ang pag-ula sang mga residente sang mahigko nga tubig sa isla nga ginabulubanta nagalab-ot sa 2 ka milyon ka litro kada adlaw.
(photo from web)
