Matud ni DENR-XI Senior Communication Development Officer Jevie Jude Agas, dili usa mohatag og komento ang ilang buhatan mahitungod sa restraining petition.
Sumala ni Agas, dili una sila maghatag og pamahayag sa pagkakaron sanglit nagpadayon pa ang pagdungog sa Korte Suprema sa kaso nga giduso sa mga petitioner.
Hinoon, gipasalig ni Agas nga dili apektado ang ilang pagpahigayon og environmental assessment sa kadagatan nga maagian kon maigo sa katukoran sa tulay nga magsumpay sa duruha ka mga syudad.
Dugang ni Aguas, pinaka-papel sa ilang buhatan sa multi-billion high impact project ang pagseguro nga walay madaut nga coral reef ug entero kinaiyahan sa naasoyng project area.
Una nang gibutyag ni DENR-XI Regional Director Bagani Evasco ang pag-file og TRO sa Rodriguez family ngadto sa Korte Suprema.
RadyoMaN Joel Viray
