Pagadian City—–Liboan ang nakabenipisyo sa gipahigayong Dental and outreach program nga gipahigayon sa RMN-Dxpr Pagadian uban ang mga partners sa Barangay Bomba dakbayan sa Pagadian, Zamboanga del sur.
Uban ang mga partners sama sa 1st Fab, 1st Cav, TOG-9 Philippine Airforce, SRC-Pagadian City, ACDI, Oracis Pagadian, Family Eye Care Optical,APFLAI, Metro Pagadian Eagles Club,mga OJT, mga suporters sa Dxpr nga mihatagag og libreng serbisyo,Volunteers ug ang konseho sa Barangay Bomba nakaabot ngadto sa 1,428 ang nakabenipisyo sa nagkalain-laing serbisyo.
Apil sa gidala sa RMN-DXPR ug ang mga partners mao ang Libreng Icecream, Film showing, Massage, Ibot ngipon, Feeding, Check-up sa mata, Gupit, ug ang pagpanghatag og mga tambal di dako usab ang nahimong pagpasalamat sa DXPR sa local nga gobyerno sa dakbayan pinaagi kang Mayor Romeo Pulmones tungod gipadala gyud ang Dental Bus sa siyudad niini ngadto sa lugar aron mas komportable ang mga magpa-ibot sa ngipon.
Ang Dental ug Outreach Program nga gipahigayon sa Barangay Bomba kabahin sa tinuig nga aktibidad sa Radio Mindanao Network alang sa pagsaulog sa anibersaryo niini. Mas bongka ug daghan ang serbisyo nga gihatag karong tuiga tungod nagsaulog sa ika 65 nga anibersaryo ang RMN. (Mel Coronel/dxpr News Team)
