Roxas City, Capiz – Dakop pinaagi sa ginkasa nga entrapment operation sang mga katapo sang Criminal Investigation and Detection Group (CIDG) – Capiz sa Barangay Tiza, Roxas City ang isa ka dental technician nga nagapatigayon sang ilegal nga pagtakod sang pustiso kag braces.
Ginkilala ini kay Philip Lacorte y Borres, 57- anyos sang Hemingway Street, Barangay Tiza, Roxas City kun sa diin narekober sa iya nga paghinakop ang mga braces, pustiso kag iban pa nga kagamitan nga ginagamit sa dental clinic.
Ang amo nga persona ang gindakop kag natalana nga paga pasakaan sang kaso nga paglapas sa Republic Act 9484 ukon Philippine Dental Act of 2007.
Sa interview kay Dr. Jorge Lamier II, Presidente sang Philippine Dental Association – Capiz Chapter, antes nga ginkasa ang amo nga entrapment operation nagpatigayon anay sang surveillance sa ilegal nga aktibidad ni Philip Lacorte.
Suno kay Lamier, ikatatlo na si Lacorte nga nadakpan bangud sa kapareho nga aktibidad.
