Dentista gihulgang sunugon sa kumander sa NPA

122

Davao City – Gibati og kalisang ang usa ka Dentista kon Doktor human nga gihulga nga sunugon ang building kung asa nahimutang ang iyang clinic sa may Damosa, Barangay Aliongto ning siyodad gikan sa nagpailang Kumander Lando Amante sa teroristang Cpp-NPA-NDF.

Gisaysay sa biktimang Doctora nga si alyas Maria Cherry, 40 anyos, tag-iya sa usa ka clinic nga nakadawat ang iyang secretary og tawag gikan sa maong NPA Kumander gamit ang cellphone number 09702764488 bandang pasado 4:00 sa kahapunon.

Ang nagpailang NPA Kumander nangayo og asistinsiya nga pinansiyal kon singko mil ka pesos alang sa pangtubil sa bihikulo nga gamiton sa kalihokan.


Ug sa tunga-tunga sa panag-istorya, giingong gibaharan sa NPA Kumander ang Secretary nga ilang dauban ang building lakip na ang clinic sa Dentista kon pakyason ang paghatag sa singko mil ka pesos nga gipangayo.

Mihimo na og dugang pagpanubay ang Sasa Police Station aron sutaon kon lihitimo ba nga Kumander sa Communist Terrorist Group o dili ba kaha usa ka modus operandi sa mga mangingilad ang nangilkil sa naasoy nga Clinic.

Pahimangno sa kapulisan sa publiko nga mag-igmat ug gilayon mutaho kanila ugali mabiktima sila sa susamang buhat ilabi ning panahon sa kapaskohan aron dili sila mabiktima sa extortion activity ug sa modus operandi.



RadyoMaN Joel Viray

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments