Dentista muerto na motel

36

Con un dentista ya descobri muerto adentro del room 6 del un hotel na Governor Camins Avenue enantes aga.
Alas 8:30 del aga cuando ya descubri con el cuerpo di Emmanuel Bactong, 63, native de Tawi-Tawi, adentro del cuarrto numero 6 del motel.
Asegun 5 dias ya ta esta si Bactong na motel y ayer ya puede pa conele columbra el maga trabahante pero enantes aga ya encuntra con este muerto ya.
Perro asegun con gefe del Estacion 11 si Chief Insp. Elmer Solon natural el muerte di Bactong porcausa nohay señales de picardias ni contucion na su cuerpo.
Suspecho del maga pulis ya ataca el enfermedad con Bactong y nohay conele quien ya puede aucilia hasta ya rebenta su resuelio.
Complete tambien el maga cosa-cosa di Bactong y nohay sale perdido ta indica nohay entra otro gente na su pusento.
Con el cadaver ya lleva na foneraria despuesel investigacion.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments

From Advertisers