Mga Senior High Schools lamang an makapahigayon nan graduation ceremonies sanan waya nay graduation rites para sa Grade6 pupils sa tanan pampubliko sanan pribado na eskwelahan para sa School Yr. 2018-2019. Ini amoy tagpagawas na bag-o na Dep Ed Order 002 serye sa tuig 2019 ni DepEd Secretary Leonor Briones ngadto sa kadagkoang opisyal sa Dep Ed,mga Regl Directors,schools supt., sanan school heads sa tanan mga pampubliko sanan pribadong eskwelahan na nagsubay na sa K to 12 Program sanan jadton nag operate na sa Senior high School gikan 2014. Tagpasabot isab nan kalihim sa Dep Ed na an Kindergarten, Grades 6 og 10 o Junior High Schools an magpahigayon lamang nan ” moving up” o ” completion” exercises sanan ini magdawat lamang nan Kindergarten,Elementary sanan Hunior High school Certificate sanan dili kon Diploma.Ini tungod kay isa ra an basic education curriculum o programa na tagtanyag nan Dep Ed na gitawag Kto12 Program, amu na isa rasab an graduation sa basic education sanan an mga kwalipikado lamang na Senior high schools an makahimo nan graduation rites para sa kwalipikado isab na Grade 12 students. Primero isab ini na higayon na wayay graduation rites para sa Grade 6 pupils. Inin amu na DepEd Order isab an tagpagawas nan jadton Huyves,Feb.28,2019.
