Ginkumpirmar sang Department of Education Regional office 6 nga wala sang klase buwas nga adlaw, Oktubre 16 sa tanan nga pampubliko kag pribado nga buluthuan sa bug-os nga rehiyon 6.
Ginpahayag ni Ms. Lea Bellesa, Public information officer sang Dep-ed 6 nga base ini sa Memorandum order number 157 nga gin-isyu kag pirmado ni Dep-Ed secretary Leonor Briones angut sa Transport Strike nga ginkasa sang PISTON-National sa sulod sang duha ka adlaw sa Lunes kag Martes.
Suno kay Bellesa nga apisar wala sang untat biyahe diri sa Western Visayas, apang bangud sa nasambit nga department order, wala man sang klase kag trabaho sa mga opisina sang gobyerno santu man sa deklarasyon sang Malakanyang.
Facebook Comments
