Ginpat-od sang Department of Agriculture nga indi nila pagpatyon ang local hog raisers kasunod sang pagnubo sang taripa sa gin-import nga baboy kag pagtalana sang Suggested Retail Price ukon SRP.
Ginpaathag ni Agriculture Spokesperson Noel Reyes, makaangkon sang kakulang sang supply sang karne kon indi nila paghimuon ang nasambit nga tikang.
Magluwas diri, ginpahayag sini nga wala sang mahatag nga solusyon ang local hog industry para mapun-an ang tatlo ka milyon nga populasyon sang baboy nga nadula bangud sang African Swine Fever.
Ginpaathag pa ni Reyes ang pagtalana sang SRP kag pagpanubo sang taripa ang paagi lamang sang ahensya agud mapanubo man ang presyo sang baboy sa merkado kag mabuligan ang mga consumer sa tunga sang krisis.
Facebook Comments
