Ginaduso sang Department of Health ukon DOH nga mangin exempted naman sa buhis ang mga bulong kontra sa sakit nga cancer.
Ini kasunod man sang nangin tikang sang gobyerno nga mangin 12 percent tax free na ang mga bulong kontra sa sakit nga diabetes, hypertension kag high-cholesterol kag ang hingyo sang mga cancer patient nga himuon nga VAT-free ang ila bulong bangud sa mataas nga presyo sini .
Suno kay DOH Undersecretary Eric Domingo, ginatrabaho na sang inter-agency working group kag nagkalainlain nga NGO ang pagiging tax free sang mga bulong sa cancer.
Madumduman nga gin-anunsyo sang Department of Finance nga epektibo Enero 1, 2019, indi na pagpatungan sang Value Added Tax (VAT) ang mga bulong sa diabetes, high-cholesterol kag hypertension nga isa sa mga probisyon sa idalom sang Tax Reform for Acceleration and Inclusion o TRAIN Law.
(photo from web)
