Department of Health liwat nag-apelar sa publiko nga magpabilin lang anay sa tagsa ka puluy-an bangud sa nagataas nga kaso sang COVID-19

19

Liwat nga nag-apelar ang Department of Health sa publiko nga magpabilin lang anay sa tagsa ka puluy-an kag sundon ang minimum public health standards matapos malista kahapon nga adlaw ang 7,999 ka bag-o nga kaso sang COVID-19, ang pinakamataas humalin sang magsugod ang pandemya.

Bangud sa nagahilapit nga Holy week, ginganyat sang ahensya ang publiko, ilabi na ang mga deboto nga sa balay na lang ukon p[aagi sa online magtambung sang mga misa.


Suno sa DOH, mabuhinan ang pamahog nga malatnan sang coronmavirus kon masami nga sundon ang minimum public health standards.

Nagpanawagan man ang ahensya sa mga makabatyag sang sintomas nga gilayon makig-angut sa ila Barangay Health Emergency Response Teams ukon BHERTs para sa quarantine kag testing.

Ginhatagan pagtamod sang DOH ang kaimportante sang pagpabilin sa mahinay nga paglapta sang balatian agud indi naman mapuno ang mga ospital.

Facebook Comments