Ginapahanumdom sang Department of Labor and Employment ang private employers nga sundon ang pay rules sa mga empliyado nga magareport sa duty sa Nobyembre 30 nga holiday.
Gindeklarar ang amo nga petsa bilang pagdumdom sang kaadlawan sang baganihan nga si Andres Bonifacio.
Sa Labor Advisory No. 10 series of 2017 ginamando sang DOLE nga kun indi magtrabaho ang empliyado sa amo nga adlaw regular niya nga mabaton ang iya sweldo ukon ang daily rate plus COLA.
Kun nagtrabaho naman sya sa amo nga adlaw dapat double pay ukon daily rate plus COLA times 200%
Kun may overtime may adugang nga 30% ang empliyado sa iya hourly rate.
Sa ti-on nga nagtrabaho ang empliyado sa amo nga adlaw nga iya day-off bayaran sya sang dugang nga 30% sang iya hourly rate.
(photo from web)
