Davao City- Gikondena sa Department of Education Region 11 ang pagpamusil patay sa maestra nga si Grace Galfo sa New Corella, Davao del Norte.
Sumala ni Jenielito Atillo, DepEd 11 spokesperson, uban sa mga kabanay ug higala sa biktima nanawagan sila og hustisya.
Hugot ang koordinasyon sa DepEd Davao del Norte ngadto sa New Corella PNP sa kasolbaran sa maong krimen.
Lakip sa imbestigahan kung work related ba ang pagpamusil sa biktima.
Gikumpirma ni Atillo nga usa si Galfo sa mga magtutudlo sa New Corella Central Elementary School SPED Center.
Sumala ni Atillo, mu-extend sila og assistance ngadto sa pamilya sa biktima.
RadyoMaN Aimee Guinita
Facebook Comments
