Davao City – Padayon ang imbestigasyon sa Depatment of Education (DepEd) sa insidenteng pagkasunog-patay sa estudyante sa usa ka pribadong eskwelahan sa Calinan ning atong syudad sa Davao.
Sa interbyu sa DXDC RMN Davao kang Jenielito “Dodong” Atillo, spokesperson sa DepEd-XI, gibutyag niini nga wala pay gipagawas nga reports gikan sa fact finding committee sa DepEd-Davao City.
Gipasabot ni Atillo nga abri ang departamento sa dugang panahon sa pagpalawom sa imbestigasyon luyo sa gihatag nga deadline niini.
“Understandable kining maong matang sa mga developments because of the fact nga this is actually an investigation. Ang atong gihatag nato nga deadline kung posible lang nga makab-ot o matuman nila,” saysay ni Atillo.
Kahinumduman nga nahitabo ang insidente sa dihang nasunog ang costume sa biktima nga gamiton sa usa ka search pageant sa eskwelahan niadtong Oktubre 25, 2019.
RadyoMaN Kirby Manzon
